Россиядин аялрин ва жегьилрин «КIвенкIвечийрин гьерекатди» грантрин конкурс башламишнавайдакай хабар гузва. Грантрин куьмек аялрин ва жегьилрин тербиядин, абурун азад вахт менфятлу жуьреда тешкилунин месэлайрал машгъул проектриз гуда.
Конкурсда школайривай, колледжривай, вузривай, аялрин лагерривай, музейривай, библиотекайривай, спортдин клубривай, жегьилрин ва аялрин НКО-ривай иштиракиз жеда.
КIвенкIвечийрин гьерекатдин конкурсдиз менфятлу теклифрин авторриз чпин проектар кьилиз акъудун патал куьмек жагъурдай мумкинвал хьанва.
Грантдин вини кьилин кьадар 15 миллион манатдиз барабар я. Конкурсда иштиракун патал арза государстводин патай финансрин куьмек гунин www.promote.budget.gov.ru порталдин куьмекдалди гуз жеда. Конкурсдикай тамам делилар www.гранты.будьвдвижении.рф сайтдай жагъуриз жеда.
Конкурсдиз арзаяр 2023-йисан 7-июлдалди кьабулда. Проект кьилиз акъудиз 1-августдилай башламишда ва 8-декабрдалди давам жеда.
«Лезги газет»
