11-ноябрдиз СтIал Сулейманан райондин центральный библиотекада зулуз бахшнавай литературадинни художественный “КIанда заз зул, йисан вири вахтарикай” мярекат кьиле тухвана, хабар гузва райондин информациядин къуллугъди.
Аниз чкадин мектебрин гьар жуьре классра кIелзавай аялриз теклифнавай. Мярекатдихъ галаз алакъалу яз ина ктабрин “Литературадин зул” ва шикилрин “Зулун жуьреба-жуьре рангар” выставкаяр тешкилнавай, “Лезги календарь” ва “Къизилдин зул” плакатар туькIуьрнавай, гьакIни зулун няметривди ва аялри туькIуьрнавай шейэралди безетмишнавай дезгеяр ачухнавай.
Библиотекадин къуллугъчийри аялриз чпин яратмишунра зулу еке чка кьур, и вахтунал гзаф рикI хьайи шаиррикай ва писателрикай суьгьбетна, зулун няметрихъ ва тIебиатдин и къизилдин вахтуникай мискIалрихъ галаз танишарна.
Эхирдай райондин библиотекадин художник Лариса Рамазановади аялриз чпин гъилералди гьар жуьре итижлу шейэр туькIуьрдайвал чирна.
«Лезги газет»
