1-сентябрдилай Россиядин 45 региондин мектебра цIийи пешекарар — тербиядин рекьяй директордин меслятчияр пайда хьанва. РД-дин образованидин ва илимдин министерстводин пресс-къуллугъдин делилралди, чи республикада и къуллугъдал 477 кас кIвалахдив эгечIнава.

Меслятчийри аялрин кIелунин крарилай къеце тир кIвалахар ва аялрин общественный объединенийрихъ галаз алакъаяр хуьн тешкилда.
РФ-дин просвещенидин министр Сергей Кравцова къейд авурвал, и къуллугъдал “мектебда кIелзавайбурухъ галаз са чIалал рахазвайбуру” кIвалахун герек я. Абурун асул везифа жегьилрихъ галаз ихтилатар, рафтарвилер авун я.
Къейд ийин, тербиядин рекьяй меслятчидин къуллугъ Россиядин Президент Владимир Путинан тапшуругъдалди кардик кутунва.

«Лезги газет»