Алай вахтунда Ахцегь райондин СПК-рин гьайванар гатун яйлахриз хквез рекье ава.

Адет хьанвайвал, гьайванар яйлахриз куьчардалди вилик, азаррин вилик пад кьунин серенжемрин сергьятра аваз, абур дарманралди гьашаратрикай михьзава (шикилда — Луткунрин “Адалат” СПК), рапар язава. Эхиримжи йисара районда куьлуь карч алай гьайванар хуьнал машгъул майишатар артух хьанва. Кьилди къачуртIа, Луткунрин хипехъанвилин “Адалат” тIвар алай хизандин СПК-дин кIвалахда (председатель Сурхай Агьмедов) аквадай хьтин агалкьунар ава: гьар 100 хипекай 100 кIел къачуна саламатдиз хуьзва, гьар са лапагдилай  2,5 кг. сар тунва. Исятда майишатдин 950 гьайван яйлахриз рекье гьат хъувунва.

Рагьидин ЭМИНОВ