Алай йисан эхирдалди Дагъустанда здравоохраненидин 60 объект бине­дилай ремонт авунин кIвалахар тамамдаказ кьилиз акъуддайвал я. Идакай ислен юкъуз РД-дин Гьукуматдин пресс-къуллугъди хабар гана.

“Йисан эхирдалди Дагъустанда  медицинадин идарайрин  60 дараматда,  санлай къачурла, 157,24 миллион манатдин капремонтдин кIвалахар тамамарда. Идакай алай аямдин истемишунрив кьадайвал туькIуьрунин сер­гьятра аваз  республикада эцигзавай здравоохраненидин объектар  ишлемишиз вахкуниз талукьарнавай совещанидал  РД-дин здравоохраненидин министр Татьяна Беляевади хабар га­на”, — луг­ьуз­ва малуматда.

Къейдзавайвал, здравоохраненидин  43 объект ишлемишиз вахкун патал гьазур я, амайбурун гьазурлухвилин дережа 40-99 процентдиз барабар я. “ГьакIни медицинадин тешкилатрин 5 дараматда, санлай къа­чурла, 50,19 миллион манатдин цIийи­кIа туь­кIуьр хъувунин кIва­лахар кьиле тухузва”, — алава хъувуна пресс-къуллугъди.

Республикадин гьу­куматди гьакIни хабар гузвайвал,  программада къейднавай серенжемар  2023-йисуз уьмуьрдиз ­кечирмишунин макьсаддалди,  санлай къачурла, 150 миллион манат тешкилдай мо­дулрин 20 тадарак маса къачунин ва абур чкайрал тайинарунин къиметар чап­нава.

Чи мухбир