И йикъара Кьурагь райондин КIирийрин хуьруьн бажарагълу аялрин интернат-мектебда кIелзавайбурунни райондин КЦСОН-дин коллективдин арада гуьруьш кьиле фена. Идакай «Лезги газетдиз» райондин администрациядин пресс-къуллугъди хабар гана.
Гуьруьшда КЦСОН-дин директордин заместитель А.Катибов кьиле аваз и идарадин къуллугъчийри, райондин ОМВД-дин начальник, полициядин подполковник С.Къарибова ва масабуру иштиракна.
С.Къарибова экстремизмдихъ ва терроризмдихъ галаз акси женг тухунин темадиз талукь яз иштиракчийриз гегьенш ихтилат авуна. КЦСОН-дин отделенидин психолог М.Султановади «Технология бесконфликтного общения» темадай доклад авуна. Гуьруьшдин вахтунда интернат-мектебда кIелзавайбуруз терроризмдинни экстремизмдин идеологиядиз акси фильм къалурна.
Эхирдай мугьманри аялрин ва муаллимрин са жерге суалриз жавабар гана.
«Лезги газет»
