Эгер квек коронавирусдин лишанар — бедендал ифин акьалтун, мекьи фул акатун, туьтер кудай хьиз хьун, уьгьуьяр акатун, хур кьун,  нефес дар хьун кватIа:

1. КIваляй къецел экъечIмир.
2. КIвале авай ксаривай яргъа хьухь, иллаки чIехи яшара авайбурувай. Чинал маска алукI.
3. КIвалин гьава мукьвал-мукьвал дегишара, ара-ара гъилер чуьхуьх ва гъилер галукьай чкаяр антисептикдалди михьи ая.
4. Куьн яшамиш жезвай чкадин поликлиникадиз ва я РД-дин здравоохраненидин министерстводин коронавирусдиз талукь суалар  кьабулзавай линиядиз зенг ая:  +7 (8722) 67-15-99.
5. Куь гьалдикай коронавирусдин жигьетдай тадиз серенжемар кьабулдай линиядин нумрадиз:  8 (800) 350-00-63  зенгна, хабар це.
6. Эгер куьн къецепатан уьлкведай ва я маса региондай хтанватIа, гьакIни анрай хтай ксарихъ галаз алакъа хьан­ватIа, телефондай духтурдиз лагь.
7. Участковый духтурдин меслятрал амал ая.
8. Духтурди квевай коронавирус квани-квачни чирун патал тест къачун мумкин я (ихьтин лазимвал авани-авачни духтурди тайинарда). Ихьтин ахтармишун кьиле тухун патал нерай ва сивяй яд хьтин затI (смывы) ва ивидин анализ къачуда.
9. Тестдин нетижа са шумуд йикъалай малум жеда.
10. Эгер квез недай суьрсет ва я дарманар къачудай кас авачтIа, чпин ашкъидалди куьмекар гудай ксариз зенг ая: 8 (800) 200-34-11.
11. Лазимвал (амни духтурди тайинарда) аваз хьайитIа, куьн азарханада къаткурда.

«Лезги газет»