“Лезги газетдин” алатай гьафтеда акъатай 31-нумрада “Сулейман Керимован куьмекдалди” кьил ганвай макъала чапнавай. Ана Мегьарамдхуьруьн районда Дагъустанда мад санани авачир инвестицийрин надир проект кьилиз акъудзавайдакай ва адаз пулдин такьатар чара ийизвайди Сулейман Керимов тирдакай кхьенвай. И кардин гьакъиндай чи газетдиз Мегьарамдхуьруьн райондин администрациядин пресс-къуллугъди хабар гана.
Амма макъала газетдиз акъатайдалай кьулухъ Мегьарамдхуьруьн райондин администрациядин информациядин центрадин директор Гуьлмира Закуевади, пресс-къуллугъди рекдакциядиз рекье тур малуматда, гъалатI хьана, бязи делилар дуьз къалур тавунвайди къейдна.
Нетижада малум хьайивал, администрациядин пресс-къуллугъдин векилди “Сад” КФХ-дин векилдин, Дагъустандин багъманчийрин Союздин председателдин гафарал асаслу яз, проектдиз пулдин такьатар чара ийизвайди Сулейман Керимов я лагьана хабар гана. Гьакъикъатда лагьайтIа, и чIехи проектдин официальный инвестор “Сад” КФХ я.
“Сад” КФХ-дин векил К.М.Букарова гьакъикъатдихъ галаз кьан тийизвай делил раиж авунай гъил къачун тIалабзава.
«Лезги газет»
