Алатай гьафтедин ял ядай йикъара Кьурагь райондин КьепIирдал азаддаказ кьуршахар кьунай райондин школайрин аялрин арада кIвенкIвечивал патал акъажунар кьиле фена.
Ана Кьурагьай, КьепIирдилай, Хпежай, КIиридай, Ашарин хуьряй тир 60-далай виниз жаванри заланвилин 10 категориядай чпин устадвал къалурна. Къизгъин бягьсерин нетижада агъадихъ галай спортсменри 1-чкаяр кьуна: Умар Шихрагьимова (23 кг), Гьабиб Алиметова (25 кг., кьведни — КьепIирдилай), Жабраил Бабаева (30 кг), Гьабиб Идрисова (55 кг., кьведни — КIиридай), Ражаб Ражабова (27 кг), Рашид Бабаева (33 кг), Шамил Къадирова (36 кг), Гьажимурад Эмирбегова (40 кг), Нариман Эмирбегова (44 кг), Вагьид Мегьамедова (65 кг., ругудни — Кьурагьай).
Гъалибчийриз ва призёрриз акъажунрин тешкилатчи тир райадминистрациядин физический культурадинни спортдин ва жегьилрин крарин рекьяй отделди медалар, грамотаяр, пулдин ва спортдин пишкешар гана.
Регина Семедова
