Игитрин кьегьалвилер рикIе­лай алуд тавун гьар са ватанэгьлидин пак буржийрикай я. Иллаки — алай вахтунда, чи рухвайри Донбасс миллетбазрикай азадзавайла. Чпин чанарни гьайиф­ текъвезвай игитриз эцигзавай гуьмбетар абур гьамиша ри­кIе­р­а амукьунин лишан я.

И йикъара гьа ихьтин гуьмбет ачухуниз талукьар­навай мя­рекат Хасавюрт райондин Къурушрин хуьруьн 2-нумрадин юкь­ван мек­тебдани кьиле фена. Ана РД-дин Халкьдин Соб­ранидин депутат Уллубий Абукова, райондин депутатрин Собранидин председа­тель Мегьамед Лабазанова, Хасавюрт шегьердин ва райондин­ военный комиссар Абакар Давудова, Къу­рушрин хуьруьн агъ­сакъал­рин советдин председатель Вер­дихан Вердиханова, пен­сионерар тир Эмирхан Эмирова, Къафлан Гьажиметова ва масабуру иштиракна.

Гуьмбет эцигуник лайихлу пай РД-дин Халкьдин Собранидин депутат Уллубий Абукова, КПРФ-дин Къурушрин хуьревай­ тешкилатдин секретарь Закир Вердиева ва адан хва Насир Вердиева кутуна.

Украинада кьиле тухузвай­ махсус серенжемда исятда 500-лай гзаф къурушвийри иштиракзава. Абурукай гзафбур орденризни медалриз лайихлу хьанва. Гьайиф хьи, вад кас – Булуев Шакир, Мирзоев Чингиз, Мухтаров Алимхан, Айдунов Намик ва Турабов Рауф телеф хьана. Аллагьди рагьмет гурай чпиз!

Гьажи Къазиев