Мегьарамдхуьруьн райондин администрациядин кьил Фарид Агьмедова дяведин махсус серенжемдай вахтуналди ял ягъиз ва я хирер сагъариз хтай кьегьалар кьабулун, абурун ва хизанрин гьал-агьвал чирун адетдиз элкъвенва.
И мукьвара ада Влимет Агъарзаевни Мурадхан Жабраилов кьабулна, абурухъ галаз махсус серенжем кьиле физвай гьалдикай, чи аскерри командиррин тапшуругъар тамамарзавай къайдайрикай, женгера акьалтзавай четинвилерикай хабарар кьуна.
Къуйсунви Влимет Агъарзаева РФ-дин оборонадин министерстводихъ галаз кутIуннавай икьрардалди ОМОН-дин жергейра къуллугъ ийиз 15 йис я. Саратовдин госуниверситет куьтягьнавай ва армияда моряк яз къуллугъ авур кьегьалдихъ женгерин майданда анжах агалкьунар жезва. Ада юлдашрихъ галаз санал душманриз рум гузва ва абур катдай чкадал гъизва.
Дирибашвилелди къуллугъзавай аскер РФ-дин Президентдин указдалди са шумуд шабагьдиз лайихлу хьанва.
Мурадхан Жабраилов Мегьарамдхуьряй я. Дяведин махус серенжемдив эгечIай сифте йикъалай ада Ватандин итижар жуьрэтлувилелди хуьзва, командирри ротадин вилик эцигзавай тапшуругъар кьилиз акъудунин карда уьтквемвал, юлдашриз чешне къалурзава. Адаз «Женгера тафаватлувиляй», «Дяведин махсус серенжемдин иштиракчидиз» шабагьар, райондин муниципалитетдин гьуьрметдин грамотаяр ганва.
Чи мухбир
