“Лезги газетдиз” Сулейман-Стальский райондин администрациядин пресс-къуллугъди хабар гайивал, 23-ноябрдиз районда Дагъустандин литературадин классик Етим Эминан 180 йисан юбилейдиз талукьарнавай мярекатар кьиле фида. Шадвилер экуьнин сятдин 10-даз Эминхуьре шаирдин гуьмбетдин патав гатIунда. Сятдин 11-даз мярекатар Кьасумхуьрел, И.Тагьирован тIварунихъ галай культурадин дворецда давам жеда.
Къейд ийин хьи, юбилейдин мярекатра РД-дин культурадин министерстводин делегацияди, Кьиблепатан Дагъустандин районринни шегьеррин векилри, писателри ва масабуру иштиракда.
Гьа и юкъуз Сулейман-Стальский районда гьар йисуз тешкилзавай республикадин “Куьредин ярар” фестивални кьиле фида.
«Лезги газет»
