—        Лув гуз алакьзаватIани, кьаркьулув нек хъвадай гьайванрик акатзава.

—        Алимри тестикьарнавайвал, алай вахтунда кьаркьулуврин 700 жуьре ава. Абурук цуькверин мижеяр хъвадайбурни, иви хъвадайбурни ква. Вири жуьрейри йифен уьмуьр кьиле тухузва.

—        Россияда авай кьаркьулуврикай виридалайни екебур “гигантская вечерница” лугьудайбур яз гьисабзава. Абурун бедендин яргъивал 11 сантиметрдив агакьзава, заланвал — 70-80 граммдив.

—        Гъилер лувар тир и гъвечIи гьайванрин бедендин яргъивилел 6,5 сантиметр жеда. Заланван 23 граммдив агакьда.

—        Бязи кьаркьулуврин жуьрейри пепеярни, чепелукьарни, хъиперни, кIезриярни, гъвечIи хурлинкIарни неда. Вири жуьрейрикай тахминан 70 процентди анжах гьашаратар незва.

—        Кьаркьулувдивай са сятда 600 пепе нез жеда.

—        Китайдани Японияда кьаркьулув бахтунин ярж яз гьисабзава. Китай чIала “кьаркьулув” ва “агалкьун” гафар са жуьреда сивяй акъудзава — “фу”.

—        Инсанрин арада кьаркьулувар буьркьуь гьайванар я лугьудай фикирар ава, амма гьакъикъатда абурун вилериз аквазва.

—        Кьаркьулувар 30-33 йисуз кьван яшамиш жезва.­

—        Антарктида квачиз, кьаркьулувар амай вири континентра яшамиш жезва.

—        Кьаркьулувар инсанрин арада садакай масадак акатдай азарар, вирусар, гьа жергедай яз коронавирусни чукIурунин хаталувал авай гьайванар я.

«Лезги газет»