Дагъустан Республикадин сад лагьай вице-премьер Гьажимегьамед Гьуьсейнов Дагъустандин “EcoEnergy”-дин компаниядихъ галаз санал “Роснано” компаниядин векилрихъ галаз гуьруьшмиш хьана. Идан гьакъиндай чи газетдиз РД-дин Кьилин ва Гьукуматдин Администрациядин пресс-къуллугъди хабар гана.
Карчивилин гуьруьшдин форматда иштиракчийри государстводин ашкъиламишдай серенжемрин ва республикада виниз тир технологияйрин производствояр чкадал хуьнин сергьятра аваз Дагъустан Республикада арада хквен хъийизвай энергиядин чешмеяр вилик тухунин месэлаяр веревирдна.
Кьилди къачуртIа, арадал хквен хъийизвай “Самурдин энергетикадин класстердин” комплексный проект уьмуьрдиз кечирмишун патал “Роснанодихъ” галаз санал кIвалахдай жуьреба-жуьре вариантриз галай-галайвал килигна.
Гьажимегьамед Гьуьсейнова хабар гайивал, регионди Дагъустанда виниз тир технологиядин проектар майдандиз акъудунин мураддалди кар алай компанийрихъ галаз санал кIвалахун планламишнава, и карди регионда цIийиз гуьнгуьна хутазвай ресурсрин зурба мумкинвал менфятлудаказ ва кьенятдиз ишлемишдай, кIвалахдин цIийи чкаяр кардик кутадай мумкинвал гуда.
«Лезги газет»
