-Успагьивал, тIарамвал гзаф терефринди жеда. Гьар сада ам сад хьизни кьатIундач. Гьар гьикI ятIани, чилел гуьзел, гуьрчег, фикир желбдай вири гьейранвал авуниз лайихлу я.

-Гуьзелвал, уьмуьр хьиз, гьар жуьре я. Гьакъикъи гуьрчегвили къенепатай нур гуда, ам рикIени жеда, вилерани.

-Эгер къенепатан гуьзелвал авачтIа, винел патан са жуьрединни лезетлувал тамамди хьун мумкин туш. Руьгьдин гуьзелвал, сирлу экв-нур хьиз, винел патазни хъченваз жеда.

В.Гюго.

-Гуьзелвал жагъуриз кIанз, ви­ри дуьньяда къекъвейтIани, ам чи беденда, руьгьда, гьерекатра аваз кIанда, тахьайтIа, жагъинни ийидач.

Р.Эмерсон.

-Гуьрчег дишегьлияр авач — чеб анжах гуьзел тирди течирбур ава.

В.Ли.

-Гьакъикъи гуьзелвал къенепатай къвезва ва ам яшарилай аслу туш.

М.Монро.

-Гуьзел къаматри гуьзел фикирарни гъида, ахьтин фикирри ла­гьайтIа, — къешенг гьерекатрални, крарал.

Платон.

-Гуьрчегвилел кутугай мягькем, тIарам ериярни алава хъийиз алахъа.

Эзоп.

-Гуьзелвилин сесини явашдаказ ван ийида: ам анжах виридалайни фад гьиссдай, уях япариз гьахьда.

-Гуьзелвал — им бахтлувал хи­ве кьун я.

 Ницще.

-Гуьрчегвал — им рикIин майилар виликамаз  къазанмишзавай, меслят къалурзавай, хъсан къимет эцигзавай ачух чар я.

Шопенгауэр.

-Гуьзелвилихъ ялзавайдан рикIиз ада (гуьзелвили) гьакI винелай килигзавайдан вилериз аквазвайдалай артух нур гуда.

Джубран.

-Дишегьлидин гуьрчегвилин вилик чун къуватсузбур хьана, ам цIаярилай ва гьулданрилайни гужлу я.

Ронсар

-Гуьзелди — им эдебдин хъсанвилин лишан я.

Кант.

-ТIебиатди дишегьлидиз лагьа­на: гуьзелди хьухь, эгер же­­­да­тIа, камаллуди — эгер кIанда­тIа, амма акьуллуди, тедбир авай­ди вун, гьар гьикI хьайи­тIа­ни, хьун чарасуз я.

Бомарше.

Гьазурайди — Шихмурад Шихмурадов