— Пелекай гьекь шткиз, зегьмет чIугваз хьайитIа, кар арадал къведа, я къати гьевесди, я кьуру, буш хиялри гьакъикъи зегьмет эвездач.

А.Герцен

— Уьмуьрда вичин рехъ, кар-кIвалах жагъайди бахтавар я. Идалай артух мад вуч кIанда кьван.

Т.Карлейль

— Нагьакьандиз, мешребсуздаказ тамамарнавай гьар са кар-кIвалах — гьа имни таб-гьилле, къалпвал, намуссузвал я.

С.Смайлс

— Гьамиша кIвалахун, зегьмет чIугун, затI арадал гъун — им, искусстводин хьиз, уьмуьрдин къанунни я.

О.Бальзак

— Инсан ахьтин кIвалахрал маш­гъул хьана кIанда хьи, абуру, четин зегьмет истемишиз хьайи­­тIани, акьул-къанажагъ герек рази ийин, секинарин.

Сюньцзы

— Сагъ са юкъуз гафаралди гъавурда тваз алахъдалди са сятда гьакъикъи кIвалахдик хьуни гзаф чирда; эгер за мастер­скойда аял кардалди маш­гъу­лар­заватIа, адан гъилерин гьерекатар кьатIунун, акьул патал менфятлу я: вич  гъилин устIарвал квайди яз гьисс авуналди, аялдикай философ жезва.

Кардал машгъул тирла, адакай арадал затI къвез хьайитIа, лугьуда; амма кар-кеспи авачиз, са затIни тийидайла, акъваз тийиз­, лагълагъариз кIан жеда.

Ж.Руссо

— Гъиле кьур кIвалах акьал­тIа­риз алакьайла, рикIиз хуш ва регьят жеда.

Гомер

— Жегьил ва къуватлу, амма зегьметдив вердиш туширбурулай тафаватлу яз, гьар йикъан кIвалахра лигим хьанвайбуруз, чеб зайиф ва яшлу яз хьайитIани, зегьмет четинди я лагьана, къайгъу жедач.

Гиппократ

— Уьмуьр куьруь я, амма инсан вичи авур хъсан крара яшамиш хъжеда.

А.Франс

— Зурба ксар гуьзел рахунралди (речралди) — ваъ, чпин хсуси зегьметдалдини адан нетижайралди майдандиз акъатда.

А.Эйнштейн

— Гьар са пешеда адал рикI хьун агалкьунрин шартI я, илимдинни ахтармишунрин кIвалахда — иллаки.

И.Жолио-Кюри

— Саналди тир (коллективный) алахъунар, чалишмишвилер лазим тирвилин гьисс арадал атунай чун инсандин гьерекатрин маса терефрилай гзаф сифтени-сифте илимдиз гзаф буржлу я.

Ф.Жолио-Кюри

— Ахьтин вахт къведа хьи, илим хиялдилай (фантазия) вилик кваз фида.

Жюль Верн

— Чи асирдин чIехи шиират (по­э­зия) — им тажубардай хьтин гзаф цIийивилер майдандиз акъуд­завай, инсандик лувар, адан гье­ре­катрик йигинвал кутазвай илим я.

Э.Золя