Инсандин кIалуб алай вагьшияр чи йикъара тIимил туш.
Къияс МЕЖИДОВ
Яхъ алакьдай кIвалах хиве,
Ганвай гафар пузмиш тахьуй.
Шагь-Эмир МУРАДОВ
Кабаб гьазур яз аквамир къуьр акур чIавуз.
Шихнесир КЪАФЛАНОВ
ЯхцIур йисуз ичин цуьк ахъаяй тарци яхцIурни сад лагьай йисуз мулдин цуьквер гъидач.
Агьед АГЪАЕВ
Вилерин кьатIунрилай рикIин кьатIунар гужлу я.
Межид ГЬАЖИЕВ
Гурарай виниз хкаж жедайла, анай агъуз эвичIдай югъни галайди рикIелай ракъурмир.
Абдулбари МАГЬМУДОВ
Регьятвилиз, архайинвилиз кьил ягъун пис кар я.
Буба ГЬАЖИКЪУЛИЕВ
Нагьахъвал бул авайла,
Гьахъ кIвалахар чIур жеда.
Лезги НЯМЕТ
КIватIайди — К.КIелетви
