“Илимдин гуьгъуьна гьатайди камалдив агакьда”.

Ялцугъ ЭМИН

“Са бязибур кабинетри, столри

Дегишарда куьпдал вегьей гъалар хьиз”.

Сажидин САИДГЬАСАНОВ

“Гаф лагьайла, атIузва чи виликай,

Амач эллер гьахъни дуван дуьньяда”.

Кесиб АБДУЛЛАГЬ

“Инсан хьухь вун, кIан жемир затI авачир,

Вичихъ ви ял, ви кардин хатI галачир”.

Куьре МЕЛИК

“Лайихлувал чирун патал инсанди

Фенвай рекьиз, гьар са гелез килигда”.

Шагь-Эмир МУРАДОВ

“Камаллу гаф кьада халкьди къадакь хьиз”.

Мердали ЖАЛИЛОВ

“Намерддивай гьахъ кIан жемир, тухуда вав гумайдини”.

Бажиханум ИСАЕВА

“ХъвазвачтIани вазни пиян

Лугьудай заман атана”.

Нариман КЪАРИБОВ

“Мураддин вилик дагъларни агъуз жеда”.

Забит РИЗВАНОВ

“Гуьрчег цуьквер цацар алай кул-кусдини акъудда”.

Агьед АГЪАЕВ

“Намус шей туш къачуз жедай кирида”.

Омар ГЬУЬСЕЙНОВ

“Чехирдикай жедач дарман — гъалатI ахъаймир,

Къведа мадни четин заман — къуват ахъаймир”.

Абдуселим ИСМАИЛОВ

“Гуьзел, регьимлу крар гьамиша гъалиб жеда”.

Якьуб ЯРАЛИЕВ

“Гьай-гьайдал кIватI авур гьарамар, вай-вайдал къакъатда”.

Къияс МЕЖИДОВ

“Шиират инсандин руьгь ишигълу ийидай хъсан машгъу­лат я”.

Исмихан КЪАДИМОВ

КIватIайди — К.Къалажухви