2021-йисалай кьулухъ Россияда, вузар акьалтIарайла, дипломар электронный къайдада аваз гун планламишнава, хабар гузва РФ-дин образованидин ва илимдин министерстводин пресс-къуллугъди.
Образование къачунвайвилин гьакъиндай цIийи къайдада аваз гузвай документ масадалди эвезун ва я адак дегишвилер кухтун саки мумкин кар туш. Ида чпиз “къалпбур” лугьузвай дипломрихъ галаз женг чIугунин карда куьмек гуда. Гьеле алай йисуз вад вузди и къайда ахтармишда, мад 15 вуз адал кьведай йисуз элячIда.
Электронный документ студентдин портфолиодик (адахъ галаз алакъалу вири де-лилар кIватIнавай каталог) акатда, ина студентди чирвилерин рекье къазанмишнавай къиметрилай гъейри, адахъ спортдин ва илимдин рекье хьанвай агалкьунрикай, гьакIни пешекарвал хкажунин жигьетдай кIелнавай курсарин гьакъиндай делилар жеда. Вуз акьалтIарнавай цIийи пешекар кIвалахал кьабулдайла, адан портфолиода авай делилар руководителдивай ахтармишиз жеда.
Чи мухбир
