Дагъустандин са шумуд алим МГУ-дин зурба майданра кьиле физвай (глобальный) процессрин факультетдин теклифдалди арадал гъизвай Россиядин глобальный ахтармишунрин обществодик (РОГИС) акатнава. Тешкилатди Россиядин 50 региондай тир илимдин ва образованидин векилар санал кIватIзава. Адан макьсад зурба майданра кьиле физвай яшайишдин ва тIебиатдихъ галаз алакъалу гьерекатрин гьакъиндай чирвилер артухарунал машгъул хьун я.
И мукьвара Москвада текшкилатдин собрание кьиле фена. Ана ДГУ-дай тир муаллимри ва алимри — политикадин илимрин кандидат С.Сиражудинова ва физикадинни математикадин илимрин кандидат С.Ниналова, РОГИС-дин Дагъустандин отделенидин правленидин членри иштиракна. Глобализациядин гьерекатар ахтармишунин важиблу хилерикай, Дагъустандин алимри ахтармишзавай месэлайрикай сад международный экстремизмди ва терроризмди дуьньядин майданда арадал гъизвай къурхулувилиз талукь я.
Чи мухбир
