РД-дин МВД-дин УЭБиПК-дин къуллугъчийри Россиядин ФСБ-дин къуллугъчийрихъ галаз санал Махачкъаладин 2 агьалиди къалп пулар ишлемишнавай делил дуьздал акъуднава. Идакай РД-дин МВД-дин пресс-къуллугъди хабар гузва.

Виликамаз тайинарнавай делилралди, чIуру ният авайбур къалпвилин лишанар квай 5 агъзур манатдин чар ишлемишиз кIан хьайи макъамда кьуна. Шак физвайбурун мебель туькIуьрзавай цехда полициядин къуллугъчияр тахсиркарвал субутдай затIар жагъурун патал къекъвена. Ана 5 агъзур манатдин 558 банкнот дуьздал акъатна ва абур полицейскийри вахчуна. Пешекаррин ахтармишунрин нетижайрал асаслу яз, вахчур банкнотар вири къалпбур тир.

РД-дин МВД-дин СУ-дин СЧ-дин силисчиди РФ-дин УК-дин 186-статьядин 3-паюна къалурнавай тахсиркарвилерин лишанрай уголовный дело къарагъарнава. Тахсиркарвилихъ галаз алакъалубурун вилик пад атIун патал абур дустагъ авунин серенжем хкянава.

Чи мухбир