10-апрелдиз Кьурагь райондин администрациядин кьилин заместитель Махач Хариева Ватандин ЧIехи дяведин иштиракчидин хендеда, КьепIирдал яшамиш жезвай Гьасретова Саимат Жаватовнадив кIвал маса къачун патал пулдин субсидия (са миллионни 100 агъзурдав агакьна) вахкана. Идакай Кьурагь райондин администрациядин сайтда хабар ганва.
Саимат Жаватовнади Ватандин ЧIехи дяведа гъалибвал къазанмишна 75 йис тамам жезвай вахтунда дяведин иштиракчийрин хизанрин патахъай къайгъударвал авунай райондин, гьакIни Дагъустандин зегьметдин ва яшайишдин жигьетдай вилик финин министерстводин кьиле авай ксариз сагърай лугьузва.
«Лезги газет»
