6-июлдиз Москвада РД-дин Кьилин везифаяр тамамарзавай Сергей Меликованни Россиядин энергетикадин министр Николай Шульгинован арада метлеблу гуьруьш кьиле фена. Идакай РД-дин Кьилин сайтди хабар гузва.
Гуьруьшдин сергьятра аваз регионда кудай затIаринни энергетикадин комплекс гележегда хъсанарунин месэладиз килигна. Кудай затIарин гьакъи гунин хел авайдалай хъсанарунизни кьилди фикир гана.
“Электроэнергетикада гьакъи гунин низам мягькемарун кар алай везифайрикай сад я, энергосистема пайгардаказ кардик хьун ва атIунар авачиз электричестводалди таъминарун и кар тамамарунилай аслу жезва”, — лагьана Н. Шульгинова.
Вичин нубатда С.Меликова федеральный центрадин куьмекдалди гьалар хъсанвилихъ дегиш хьуник умуд кутуналди къейд авурвал, регионда четин месэлайрикай сад электричество хкатунихъ, араяр атIунихъ галаз алакъалу я. Алава хъувурвал, кьуьд алукьдалди и хел къайдадик кухтун герек я.
«Лезги газет»
