23-декабрдиз Дагъустандин образо­ва­ни­дин хиле виридалайни важиблу конкурсрикай сад — «Йисан ученик — 2024» — акьалтIна. Республикадин вири пипIе­рай тир вишералди бажарагълу аялрикай (5-11-классрин) виридалайни виниз тир агалкьунар хьанвай 150 аял алакьунар, чирвилер ва вердишвилер раиж авун патал очный паюниз акъатна. 

Конкурс рикI аладардай,  машгъулардай 2 имтигьандикай ибарат тир: «Умуми эрудиция тестералди ахтармишун» ва «Визитка». Конкурсдин иштиракчийри чпин алакьунар­ лап хъсандаказ ачухарна: презентацияр­ гьазурун, кьуьлер авун, манияр лугьун —  гьар сада вичин кьетIенвал, масадаз ухшар туширвал тестикьарна.

Нетижада кIвенкIвечи чкайриз Кас­пийскдин, Избербашдин, Махачкъаладин, Дербентдин, Къизлярдин ва Къизилюрт шегьердин, Новолак, Ногъай ва Хунзах районрин мектебра кIелзавай аялар ла­йихлу­ хьана. Шад жедай кар ам я хьи, и сиягьда Мегьарамдхуь­руьн райондин Гъепцегь­рин мектебдин­ тIварни ава. ИкI, Гъепцегьрин СОШ-дин 7-классда кIелзавай Ф. Нагъ­ме­тул­лаевади ва 11-классда кIелзав­ай          ­ Д. Ген­жалиевади республика­дин «Йисан ученик — 2024» конкурсда 2-чкаяр кьуна ва шабагьриз лайихлу хьана­.

Конкурсдин нетижаяр кьадай мярекатда РД-дин образованидин ва илимдин министр Ягья Бучаевани бине Ахцегь райондай тир машгьур меценат Нариман Гъазалиева иштиракна. Къейд ийин хьи, конкурс кьиле тухун патал пулдин такьатарни Н. Гъазалиева чара авунвай. Гъалибчийриз дипломар, кубокар, пулдин премияр ва багьа пишкешар гана.

Амина  Муслимова