И йикъара«Самур» журналдин сад лагьай нумра акъатна. Ам журналдин жавабдар редактор Абдуселим Исмаилован «Ватан хуьзвайбурун йис» кьилин макъаладилай гатIунзава.
Алай йисуз лезгийрин чIехи шаир, чIалан устад Ибрагьим Гьуьсейнов дидедиз хьайидалай инихъ 90 йис тамам жезва. И вакъиадихъ галаз алакъалу яз журналди шаирдин «СтIал Сулейман» тIвар алай поэма ганва. И. Гьуьсейнован эсерда ХХ асирдин Гомеран уьмуьр къалурун ва къамат яратмишун патал художественный жуьреба-жуьре такьатар ишлемишнава.
Расим Гьажи неинки лезгийрин, гьакI Дагъустандин прозада зурба гел тунвай устад писателрикай сад я. ЦIийи нумрада мад адан сифтегьан эсеррикай сад тир «Диде ва дагълар» повесть кIел хъийидай мумкинвал ганва.
«Шиират» паюнай 1380 йис хьанвай Давдакьан ва Индира Шагьбановадин эсерар кIелиз жеда.
«Рецензияр» паюна писатель Нариман Ибрагьимова уртах «Руьгьдин эверун» кIватIалда гьатнавай авторрин эсеррикай веревирдер ийизва. Адан гафаралди, ктабда хушвилелди кIелдай, фикир ийиз тазвай, руьгьдик юзун кутазвай эсерар гзаф гьатнава.
Абад Азадов
