—           Инсандин хам гьар вацра цIийи жезва.

—           ВетIери кIасуникди кьейибурун кьадар тарихда хьайи вири дявейра кьейибурулайни гзаф я.

—           Дуьньяда цеквер акьван гзаф ава хьи, абур гьар са инсандал 1,6 миллион гьалтзава.

—           Недай суьрсетрикай чIур тежедайди анжах вирт я.

—           Бриллиантдин къалпвални халисанвал чирун четин месэла туш. Эгер бриллиантдиз хьухь авуртIа, къалпдаз гьекь акъатда, халисанди и патай а патаз экв аквадай гьалда амукьда.

—           Гавайский алфавитда авайди вири 12 гьарф я.

—           КIвалера жедай тарун пепедивай кьил галамачиз кьве гьафтеда кьван уьмуьр давамариз жеда, та — гишила рекьидалди.

—           Инсандин виридалайни къуватлу жукIум мез я.

—           Малум тирвал, кхьинардай къелемдин къалпагъдин вини кьиле тIеквенар жеда. А тIеквенар себеб яз, девит кьуразва лугьуз, сифтедай а кар муьште­рий­ри къелемар туькIуьрзавайбурун фендигарвал яз гьи­сабзавай. Амма гьакъикъат ахьтинди я хьи, а тIеквенар инсанриз бамиш тахьун патал герек я. Вучиз лагьайтIа, гзафбурук къелемдин къалпагъ жакьвадай хесет ква. Эгер хатадай ам туьтуьна акIайтIа, духтур агакьдалди, инсан, бамиш хьана, рекьидай чкадал къведач.

—           Нидерландра иесисуз кицIер эсиллагь авач.

—           Бязи нахаяр (акула) 500 йисуз кьван яшамиш жезва.

—           Эгер тротуардин ифин 70 градусдив агакьайтIа, анал къайгъанах гьазуриз жеда.

—           Дуьньяда виридалайни аскIан инсанар японвияр яз гьисабзава, виридалайни кьакьанбур – голландвияр.

«Лезги газет»