Гьар са суварихъ вичин адет хьанвай къайдаяр, кьиле тухунин саягъ ава. Гъалибвилин йикъахъ галаз алакъалу яз спортдин серенжемар тешкилун фадлай адетдиз элкъвенва. ИкI, 8-майдиз, Гъалибвилин йикъаз ва ДАССР-дин 100 йисан юбилейдиз талукьарна, Мегьарамдхуьруьн райондин кьилин тапшуругъдалди (идакай чаз райондин пресс-къуллугъди хабар гана) спортдин са жерге серенжемар кьиле тухвана.

Абурукай садни Мегьарамдхуьре “Ислягьвилин рекьерай” лишандик кваз тешкилнавай спортдинни ватанпересвилин серенжем — велопробег тир. Райондин администрациядин физический культурадин ва спортдин отделди тешкилнавай и серенжемдин иштиракчияр тир 50 кас  рекье РФ-дин ОМВД-дин ГИБДД-дин Мегьа­рамд­хуьруьн районда авай отделдин къуллугъчийрин гуьзчивилик квай. Велопробегдин иштиракчийрин чIехи пай же­гьи­лар тир. Идани жегьил несил неинки сагъ­лам уьмуьр кечирмишунин терефдарар тирди, гьакIни абуру ата-бубайрин игитвал, Ватандин ЧIехи дяведин дердерни хажалатар эхи авур чIехи дидейрин жуьрэтлувал ри­кIелай алуд тийизвайди субутзава.

Райондин кьил Фарид Агьмедова къейдзавайвал, ихьтин серенжемрин макьсад “акьалтзавай несилдиз чи бу­байри Гъалибвал гьихьтин къиметдалди къа­зан­миш­на­ватIа  чир  хьун  ва  рикIел хуьн я”.

Рагнеда  Рамалданова