Сулейман-Стальский райондин пресс-къуллугъди хабар гузвайвал, 9-Майдиз Ватандин ЧIехи дяведа гъалибвал къазанмишна 76 йис тамам хьуниз талукьарнавай автопробег кьиле фена.
Райондин спортдин, туризмдин ва жегьилрин крарин рекьяй комитетди “Чна рикIел хуьзва! Чна дамахзава!” лишандик кваз тешкилнавай автопробегдин иштиракчийри чпин рехъ райондин центрадихъ физвай, ЦIийи Мамрачрин къекъуьндал СтIал Сулейманаз гуьмбет хкажнавай чкадилай башламишна, ДПС-дин махсус машин кьиле аваз, Россиядин Федерациядин ва Дагъустан Республикадин пайдахралдини Георгиян лентералди безетмишнавай 35 машин “Эбеди цIай” обелиск — мемориальный кьилин комплекс алай чкадал рекье гьатна.
Абур инал райондин руководстводин иштираквал аваз кьиле физвай митингдик шерик хьана. Автопробегдин иштиракчийри обелискдал цуьквер эцигна. КIватI хьанвайбуру, са декьикьада кисна акъвазуналди, Ватандин ЧIехи дяведа телеф хьайибурун экуь къаматар ри-кIел хкана.
Рагнеда Рамалданова
