Дагъустандин образованидин идарайра чирвилер къачузвай ва чпин яшар 16 йисалай 23 йисал кьван тир жегьилриз международный рекъемрин “Волга-IT’22” олимпиадада иштиракуниз эвер гузва.
Олимпиада кьве паюникай ибарат жеда. Хкядай пай онлайн-къайдада 31-майдалди кьиле фида. Эхиримжи пай Ульяновск шегьерда 2022-йисан 15-сентябрдилай 18-сентябрдалди давам жеда.
Акъажунра иштиракун патал https://volga-it.org сайтда регистрация авун лазим я.
Къейд ийин, международный рекъемрин олимпиада 2006-йисалай инихъ гьар йисуз кьиле тухузва. Иштиракчийриз гудай тапшуругъар международный дережадин IT-компанийри гьазурзава ва нетижайриз къимет гузва.
«Лезги газет»
