Дагъустанда жегьилрин миллетрин уртах медениятдинни тарихдин “Дуствилин маякар. Кавказдин минараяр Кавказдин культура — 2017” проект башламишна.
Мярекат ачухдайла Ботлих райондиз республикадин культурадин ирс хуьнин агентстводин регьбер Заур Къагьриманов, проектдин автор Руслан Гусаров, республикадин министерствойринни ведомствойрин векилар фенвай.
Агьалияр проектдихъ галаз танишарайдалай кьулухъ абур культурадин ирс яз гьисабзавай 1867-йисан “Преображенский редут” объектдал фена, адан тарихдихъ галаз таниш хьана.
Проектдин сергьятра аваз абур районда кардик квай Россиядин халкьарин адетдин культурадин центрадиз, Рахата хуьре япунжияр ийидай устIарханадиз, кьел хкудин кIвалахдихъ галаз таниш жез Кванхидатлдиз фена.
“Дуствилин маякар. Кавказдин минараяр. Кавказдин культура” проект 2017-йисуз Россиядин Президентдин грантдиз лайихлу хьанва. Адан кIвалах Чечен, Дагъустан, Ингушетия, Кеферпатан Осетия — Алания, Кабардино-Балкария, Къарачаево-Черкесия республикайриз талукь я. Проектда санлай 80 жегьилди иштиракзава. Абур къад касдикай ибарат кьуд дестедиз пайнава ва гьар сад Кавказдин кьве региондиз фида. Дагъустанда махсус десте 8-августдалди амукьда.
Дагъви Шериф
