Къе, 26-февралдиз, Докъузпара райондин администрациядин актовый залда райондин активдихъ галаз Дагъустандин дишегьлийрин Союздин председатель Интизар Асадуллаевна Мамутаева, ДГТУ-дин проректор, 2018-йисан 18-мартдиз кьиле фидай РФ-дин президентдин сечкийра В.В.Путинан ихтибарлу кас Елена Ивановна Павлюченко гуьруьшмиш хьана.

Мярекат райондин депутатрин Собранидин председатель Агьмед Агьмедова ачухна ва кlватl хьанвайбур мугьманрихъ галаз танишарна.

Сифте гаф И.Мамутаевадиз гана. Ада вичин ихтилат кlватl хьанвайбуруз кlвалахра агалкьунар тlалабунилай башламишна. И.Мамутаевади Дагъустандин сергьятра дишегьлийрин Союзди тухузвай кlвалахрикай, мукьвара кьиле фидай президентдин сечкийрикай ихтилатна. Ада къейд авурвал, Дагъустандин дишегьлийрин Союзди В.В. Путинан тереф хуьзва.

Гуьгъуьнлай ДГТУ-дин проректор, алим Елена Павлюченко ва Докъузпара райондин агъсакъалрин Советдин председатель Дадашбала Дадашев рахана.

Мярекатда рахайбуру сечкийрин вахтунда гьар са агьалиди лайихлу, къуватлу, мягькем ва умуд кутаз жедай кандидатдиз сес гуниз эверна.

«2018-йисан 18-мартдиз кьиле фидай сечкияр чи уьлкве, чи гележег патал гзаф важиблу месэла я. Гьавиляй сес гудай ихтияр авай садни къерехда амукьна кlандач», — лагьана абуру.

Куругъли Ферзалиев