И йикъара Кьасумхуьруьн телеви­де­нидин студияда Россиядин Игит  Радим Халикьован  50 йисан юбилейдиз та­лу­кьарнавай “элкъвей стол” кьиле фена. Ана Игитдин стха Насир Хали­кьова,  рай­­­ондин образованидин управленидин  къуллугъчи Венера Абдуселимовади, Р.Халикьован тIварунихъ галай  Кьулан СтIалрин юкьван школадин муаллим Абидат Мирзекеримовади иштиракна.

Мярекатдал Радим Халикьовакай, адан хизандикай, игитдин рехъ давамарзавай хва Рустамакай Насир Халикьова итижлу ихтилатар авуна.

Тежрибалу муаллим Абидат Мирзекеримовади вичи Радим Халикьоваз 1-классда тарсар гайиди, “Макок” пограничный заставадин начальник ­тирла, Радим школадиз атайди рикIел хкана.

Венера Абдуселимова вичин рахунра, Радим Халикьован юбилейдиз ва игитвилиз талукьарна, школайра тухузвай мярекатрал гегьеншдиз акъвазна.

Эхирдай Насир Халикьова Россиядин Игит Радим Халикьован тIвар шко­ла­диз, хуьруьн са куьчедиз гунай, шко­ла­дин гьаятда адаз гуьмбет эцигунай, волейболдай гьар йисуз Р.Халикьован призар патал республикадин турнир тухунай, адан тIвар эбеди авунай райондин кьил Нариман Абдулмуталибоваз, “элкъвей стол” тешкилунай телевидени­дин коллективдиз ва мярекатдин иштиракчийриз сагърай лагьана.

Хазран  Кьасумов