“Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гайивал, мукьвара Махачкъалада республикадин агьалияр хъсан еридин целди таъминаруниз талукьарнавай совещание кьиле фена. Анал малум хьайивал, хъвадай цин ери хъсанарунин макьсаддалди уьлкведин Президентди 20-февралдиз регионрин кьилериз тапшуругъар ганва.
Дагъустанда и месэла алатай йисалай гъиле кьунва. Нетижада 2018-йисуз 250 агъзур дагъустанви хъсан еридин целди таъминариз алакьна.
ЦIи и макьсадриз 1 млрд. 778 млн. манат пул чара авунва. И такьатрихъ 28 объект эцигунин кIвалахар акьалтIарда, цIийи мад 148 чка арадал гъида. ГьакIни 18 объект цIийикIа туькIуьр хъийида. И месэлаяр гьялуни Дагъустандин 500 агъзур агьали хъсан еридин хъвадай целди таъминардай мумкинвал гуда.
«Лезги газет»
