ЦIийи ктабар

Дербентда яшамиш жезвай киригви шаир Фикрет Хидиров кIелчийриз адан икьван чIавалди чапдай акъатай «Зи багьа чил», «Авахь, Самур», «Мугьманда» шииратдин кIватIалралди, милли газетризни журналриз акъатай эсерралди таниш я. ЦIи адан «Хъфизва зун Киригиз» тIвар алай кьуд лагьай ктабдизни экв акунва. Ам шаир ва алим Азиз Мирзебегован редакторвилик кваз  Дербентдин са чапханада акъатнава.

Ктаб авторди Дербентдай хайиди тир Кириг хуьруьз хъфинин рекье вичел ацалтзавай­ азабрикайни инжиклувилерикай кхьенвай ши­ирдилай башламиш хьанва. Адан са бендина къалурнавай гьакъикъи шикилдиз фикир гун:

«Сятни зур я мензилдин рехъ,

Сергьятдал чи зур йикъан вахт

Къакъудзава, яру жез хъвехъ,

Хъиле кузва… ихьтинд я бахт».

Авторди гьа са вахтунда, часпардал ся­тералди тазватIани, «азабриз яб тагуз, шад гуьгьуьлди чан лигимариз», ватандиз хъфизвайдакай лугьузва. Ктабдиз тIвар ганвай и шиирди Ф.Хидирован яратмишунрин кьилин­ тема – хайи халкь часпарди кьве чкадал паю­нин дерт – ачухарзава. Рахшанд­далди «ихьтинди я бахт» лугьуналди, гьакъи­къатда шаирди эл бахтсузвилик акатунин себеб часпар хьанвайдакай ихтилатзава.

КIватIалда ватанпересвилиз, хайи чилиз, чIалаз, тIебиатдиз талукь шиирар гьатнава. Къуй шаирдихъ эдебиятдин никIе кIва­лахдай мумкинвилер мадни артух хьурай.

Лезги Фетгьуьллагь