Чирвилерин югъ Дагъустандин меркезда Россиядин УМВД-дин Махачкъалада авай ОГИБДД-дин къуллугъчийрин гуьзчивилик кваз кьиле фида. 1-сентябрдиз, кIелунин цIийи йисан сад лагьай юкъуз, Госавтоинспекциядин къуллугъдин жавабдарвал мадни артух жезва. И ва адалай вилик квай йикъарани аялрин хатасузвал таъминарунин макьсаддалди Госавтоинспекциядин подразделенийра кIвалах мадни активламишда. ИкI, Россиядин УМВД-дин Махачкъалада авай ОГИБДД-дин къуллугъчийри меркездин умуми образованидин идарайрин патарив гвай рекьера гьалтзавай бязи кимивилер арадай акъудзава. Школайрин аялар санай-саниз тухудай автотранспортдин, гьакIни абурун территорийра аялриз рекьерин гьерекатдин кьилин къайдаяр чирдай чкайрин гьал ахтармишзава. Дуьздал акъудай кимивилерикай Махачкъаладин образованидин управленидиз ва талукь маса ксариз хабар гана.
1-сентябрдиз ДПС-дин полкунин къуллугъчийри умуми образованидин идарайрин патарив дежурство тухуда. Чирвилерин цIийи йисан сифте йикъара Россиядин УМВД-дин Махачкъалада авай ОГИБДД-дин къуллугъчийри умуми образованидин идарайра рекьерин гьерекатдин къайдайрай тарсар кьиле тухуда, рекьера хатасузвал таъминарунин асул дибар рикIел хкида.
Рекьерин гьерекатдин гьуьрметлу иштиракчияр!
Чна квевай рекьера гьерекатдин къайдайрал амал авун кIевелай тIалабзава. Машиндин гьерекатдин йигинвал артухармир. Школайрин патавай фидай вахтунда машиндин йигинвал агъузара. “Дикъет це, аялар” 1.22., “Пешеходный переход” 5. 19.1, 5.19.2 кхьенвай лишанрин истемишунрал амал ая.
Диде-бубаяр!
Квевай аялар гуьзчивиликай хкуд тавун кIевелай тIалабзава. Рекьерилай аялрин гъилер кьуна элячIа, абур рекьелай элячIдай къайдайрин гъавурда тур. Хаталу дуьшуьшар арадал татун патал рекьерилай гьикI ва гьихьтин чкайрилай элячIун лазим ятIа, гъавурда тур.
Радик Гьафизов, Россиядин УМВД-дин Махачкъалада авай ОГИБДД-дин пропагандадин рекьяй инспектор, полициядин лейтенант
