30-майдиз РД-дин Кьил Сергей Меликова Дагъустан Республикадин терроризмдиз акси комиссиядин ва РД-дин оперативный штабдин саналди тир заседание кьиле тухвана.
Мярекат ачухдайла, региондин регьберди къейдна хьи, Украинада военный махсус серенжем кьиле тухузвай ва Россиядин Федерациядал илитIзавай санкцияр артухарзавай гьалар фикирда кьуна, санлай уьлкведа хьиз, Дагъустан Республикадани терроризмдин ва экстремизмдин хаталувал артух хьун мумкин я.
Идахъ галаз алакъалу яз, Россиядин Федерацияда терроризмдин идеологиядиз акси яз тухузвай кIвалахдиз талукь Комплексный пландик, алай вахтунин гьалар фикирда кьуна, цIийивилер кухтун лазим я. Региондин ведомствойрини чпин кIвалахдиз, везифайриз, тапшуругъриз талукь тир жуьредин цIийивилер пландик кухтуна кIанда.
Заседанидин иштиракчийри гьакI транспортдин къурулушдин ва стратегиядин метлеб авай маса объектрин хатасузвилиз талукь месэлаярни веревирдна.
«Лезги газет»
