7-декабрдиз Дагъустан Республикадин Кьил Сергей Меликова коронавирусдин тIугъвалдихъ галаз женг чIугвазвай оперативный штабдин нубатдин заседание кьиле тухвана, анал важиблу хейлин месэлаяр гьялна.
Республикадин здравоохраненидин министерстводин ва Роспотребнадзордин делилралди, Дагъустанда эпидемиологиядин гьалар муракаббур яз ама. Са патахъай, эхиримжи йикъара начагъ жезвайбурун кьадар тIимил жезва. Муькуь патахъай, сагъар хъийизвайбурун кьадар начагъ жезвайбурулай тIимил я. Алай вахтунда больницайра тIугъвалдик начагъ агъзур кас къатканва. Гьар юкъуз рекьизвайбурни ава. С.Меликова къейд авурвал, республикадин духтурри ва медсестрайри лап четин гьалда авай 47 касдин уьмуьр патал женг чIугвазва.
«Лезги газет»
