Гъуьр регъведайбуруз ва фу чрадайбуруз уьлкведин экономикада арадал атанвай четин шартIарин вахтунда кьил акъудиз куьмек гун патал, гьакIни тинидикай гьазурзавай шейэрин къиметар багьа хьунин вилик пад кьунин макьсаддалди Дагъустан Республикадиз федеральный бюджетдай 80 миллион манат чара авунва.
РД-дин экономикадин ва мулкар виликди тухунин министерстводи хабар гузвайвал, идан гьакъиндай къарардал РФ-дин Гьукуматдин председатель Михаил Мишустина къул чIугунва. Санлай къачурла, РФ-дин Гьукуматди уьлкведин регионрин арада 4,7 миллиард манат пайда.
Документдал асаслу яз, Дагъустандиз 505 агъзур манат гъуьр регъвезвайбуру тIуьниз ишлемишдай жуьредин къуьл маса къачуниз ийизвай харжийрин пай ва 79,3 миллион манат – фу чрадай промышленностдин карханайри чранвай фу ва тинидикай гьазурзавай шейэр маса гун патал ийизвай харжийрин пай эвез хъувун патал рекье твада.
«Лезги газет»
