Сулейман-Стальский райондин 90 йисаз

* * *

Бул я нямет Сулейманан ерида,

ЧIижер кул хьиз, кIвалах ийиз вирида.

Гьуьрмет хуьзвай гъвечIидани  чIехида,

Дамахзава чна хайи райондал, —

Лезгистанда рикIиз чими  макандал.

Шуьрбет — ятар машгьур хьанва  дуьньядиз.

Мензил — мукьвал гьам Бакудиз, Къубадиз.

Дуьз жаваб гуз гьар са касдин  арзадиз,

Дамахзава чна хайи райондал,

— Эминанни Сулейманан  Ватандал­.

Намрудин Аюбов

 

* * *

90 — къе ви яшар,

Уьмуьрдиз экв гъайи къашар.

Гьар са хуьре ава рушар,

Вакай мани лугъуз, район.

Ви хизандин суфра еке,

Бегьерлу я гьар са пипIе.

Авадан хьун жуван уьлкве

Хиял я ви мадни, район.

Райсудин Набиев

* * *

Сегьер-сегьер экъечIайла  булахдал,

Чи таватар къекъвез жеда  дамахдал.

“Пуд булахни” “Кпул ятар”  жергеда,

Райондин тIвар машгьур хьанва  уьлкведа.

Шегьре рекьер ви сергьятдай  физава,

Гьар сада вал баркаллани  гъизава,

Зегьметкешри ви чIехи тIвар  хуьзава,

Гьамишанда чаз багьа тир,  чи район­.

Гьар камуни цIийивилихъ ялзава,

Дегишвилерини рикIе кIвалзава.

ЧIурувилиз гьар са кам агалзава­,

Баркалладин тIвар ала вал,  чи район.

Вадим Жамалдинов