29-майдиз Дагъустандин Кьил Сергей Меликов РД-дин Халкьдин Собранидиз рекье тунвай Чар гваз депутатрин вилик рахада.
«Лезги газетдиз» республикадин Кьилин пресс-къуллугъди хабар гайивал, Сергей Меликова Дагъустан виликди финин кар алай хилер тайинарда. Асул фикир агьалийрин яшайишдин шартIар хъсанаруниз, Яракьлу Къуватрин жергейра къуллугъзавайбуруз куьмек авуниз, промышленностдин, туризмдин месэлайриз гуда.
Дагъустандин Кьил Чар гваз рахадай мярекатда чкадин депутатрилай гъейри, Госдумадин депутатри, гьукумдин органрин, жемиятдин тешкилатрин векилри, журналистри иштиракда.
Эхирдай Сергей Меликова, пресс-конференциядин сергьятра аваз, журналистрин суалриз жавабар гуда.
И юкъуз мярекатдиз «Дагъустан» РГВК, «Дагъустан» ГТРК каналрай, Сергей Меликован телеграм-каналдай ачух эфирдай килигиз жеда.
«Лезги газет»
