7-сентябрдиз “Лезги газетдин” редакцияда и йикъара вичин 70 йис тамам хьанвай журналист, газетдин старший корреспондент Шагьисмаил Мирземетович Гьажимирзоев тебрикунин шад мярекат кьиле фена.

Юбилярдин гьакъиндай ри­кIяй къвезвай хуш келимаяр газетдин кьилин редактор М.И. Иб­рагьимова, культурадин отделдин редактор, виликан жавабдар секретарь Д.Б.Бейбалаева, гилан жавабдар секретарь, тежрибалу журналист Ш.Ш.­Ших­­му­ра­дова, операторар тир Н.Г.Рашидовади, Б.Гь.Гьуьсейновади, и цIарарин автор, литературадин отделдин редактор М.А.Жалилова лагьана.

Газетдин редакциядин  тIва­ру­нихъай юбилярдив тебрикдин адрес ва къиметлу пишкеш вахкана. Вичин нубатдай юбилярди коллективдиз ва вичин тIвару­нихъ тебрикар рекье  тур вирибуруз сагърай лагьана.

Мердали Жалилов