Дагъустанда шегьеррин ва хуьрерин куьчейра авай алишверишдин объектрин схемаяр туькIуьрун пландик ква.
Дагъустандин УФНС-дин руководитель Газинур Апсалямова хабар гузвайвал, и карди кIватIзавай налогрин кьадар артухардай ва гележегда бизнесдиз жезвай административный басрух тIимилардай мумкинвал гуда.
“Алишверишдихъ галаз алакъалу вири объектар цIийи кьилелай тамамдаказ гьисабунин гьакъиндай Дагъустан Республикадин Кьилин тапшуругъ кьилиз акъудун экономика “хъендикай” хкудунин нетижалу серенжем я.
ТуькIуьрун пландик квай схемайра чилин участокдихъ ва капитальный эцигунрин объектрихъ иесивал тестикьарзавай, капитальный эцигунрин объект ишлемишиз вахкудай ихтияр гузвай документар, объектрин иесийрин ва абур арендадиз къачузвай ксарин арада талукь тир икьрарар авани, авачни къалурда.
Карчивилел машгъул ксарихъ регистрация ва налоговый учетда хьунин, анра кIвалахзавай агьалийрин зегьметдиз талукь икьраррин гьакъиндай делилар кьилди кхьида”, — къейдна налогрин идарадин руководителди.
«Лезги газет»
