Гьар йисуз «Гележегдиз кам» лишандик кваз ахтармишунрал машгъул жегьилриз талукь илимдин конференция кьиле физва. Республикадин дережадин конференциядин сергьятра аваз кьиле физвай конкурсда жегьилриз чпин алакьунар къалурдай мумкинвал жезва.
Facebook соцсетда авай «Мегьарамдхуьруьн район» чини малумарзавайвал, республикадин жегьилрин конкурсда «Фундаментальная математика» хиляй Гъепцегьрин мектебдин 11-классдин ученица Диана Гьажиметовади приздин чка кьуна. Ада «Приемы и методы решения заданий с параметром на ЕГЭ по математике» темадай ахтармишунин кIвалах кхьена.
Бажарагъ авай Дианадихъ гележегда чIехи агалкьунар хьурай!
«Лезги газет»
