23-декабрдиз РД-дин Гьукуматдин Председатель Абдулмуслим Абдулмуслимова республикада цIаяр кьунин вилик пад кьунин, бедбахтвилин дуьшуьшрин нетижаяр арадай акъудунин жигьетдай РД-дин Кьилин патав кардик квай комиссиядин заседание кьиле тухвана. Ана Дагъустандин министерствойринни ведомствойрин регьберри иштиракна.
Заседанидал веревирд авур месэлайрин арада ЦIийи йисан суварихъ галаз алакъалу яз республикада арадал атун мумкин тир кьетIен гьалариз, энгел тавуна, фикир гунин месэлани авай.
— И месэла, — лагьана премьер-министрди, — къенин заседанидин программадик Сергей Алимович Меликован теклифдалди кутунва. — ЦIийи йисан суварилай кьулухъ къвезвай ял язавай йикъара жавабдар вири къуллугъар, гьукумдин органар, агьалийриз яд, чим, экв гузвай компанияр кардик хьун герек я.
Абдулмуслим Абдулмуслимован фикирдалди, адет яз, цIийи йисан эвел кьиляй ял язавай йикъара кьетIен гьаларин жуьреба-жуьре дуьшуьшар арадал атунин игьтималвал артух жезва. Гьавиляй жавабдар къуллугъар, гьазурвал акуна, кардик кваз хьунилай гьахьтин дуьшуьшрин нетижаяр гьихьтинбур жедатIа аслу я.
И жигьетдай тешкилнавай кIвалахдикай РФ-дин МЧС-дин РД-да авай Кьилин Управленидин начальникдин заместитель Сулейман Рамазанова хабар гана.
Гегьеншдиз РД-дин Гьукуматдин сайтдай кIелиз жеда.
Агьмед Магьмудов
