Гьар сад регьятвилив фад вердиш жеда, амма са юкъуз экв, чимивал авачиз хьайитIа, пара четинвал акьалтда. Ихьтин четинвиле алатай ял ядай йикъара кьурагьвияр гьатна. Жуьмя йикъан нисинин вахтунда вацIун кьере кIвалахзавай КамАЗ-ди газдин турбаяр кьатIна, Кьурагьа кьетIен гьал арадиз атана: 2 йифизни 2 юкъуз Кьурагьрин хуьруьн агьалияр газ авачиз амукьна. ХъуьтIуьн вахт, вири ийир-тийир хьана.
Чкадал райондин кьил Замир Азизов, прокурор Фируза Лагъметова, райондин идарайрин руководителар фена, серенжемар кьабулна.
КIвалах вахтунда кьилиз акъудун патал аниз Хив, Кьурагь ва Сулейман-Стальский районрин газдин къуллугъдин пешекарар атана. Абуру югъ-йиф талгьана кIвалахна, хьайи чп арадай акъудна. Райадминистрациядин работникрини чпивай жедай куьмекна. Чкъа магьледин гадайрини куьмек теклифна.
Вири сад хьайила, татугайвилерни арадай акъудиз регьят хьана.
А.Мамедова
