Сулейман-Стальский районда дяведин, зегьметдин ва къайдаяр хуьдай органрин ветеранрин Совет кардик кваз гзаф йисар я. Эхиримжи йисара адаз Яракьлу Къуватрин отставкада авай полковник Абдулаким Абдулаевич Гьажимурадова регьбервал гузва.

Лагьана кIанда, и Совет неинки республикада, гьакIни федеральный дережада хъсанбурун жергеда ава. Идак А. А. Гьажимурадован зегьметдин ва чалишмишвилерин еке пай ква.

Тухузвай ватанпересвилин, тербиячивилин ва несигьатчивилин кIвалахдай райондин ветеранрин Совет ЧIехи Гъалибвилин суварин вилик РФ-дин дяведин, зегьметдин, Яракьлу Къуватрин ва къайдаяр хуьдай органрин Союздин председатель армиядин генерал Моисееван къул алай Гьуьрметдин грамотадиз ва махсус знакдиз лайихлу хьана. Муниципальный райондин Кьил Н. Ш. Абдулмуталибова шад гьалара А. А. Гьажимурадовав грамота ва знак вахкана.

Хазран Кьасумов