ВАНИВАН — эхо (и гаф Чпир хуьруьн нугъатда, и хуьряй тир шаир Гуьлалийрин Эйвазан шиирра гьалтзава. Къейд ийин хьи, шаир Азиз Алема вичин эсерра “эхо” гафуниз “элван” лагьанва. И гаф ада пуд гафунин куьмекдалди (элкъвена хкведай ван) туькIуьрнава. Лагьана кIанда, “элван” Къурбан Акимован “Лезги-урус гафаргандани” гьатнава).
ГЪУЬРВЕЦIАР (теквилин кьадарда — гъуьрвецI) — печении (печенье) (и гаф Хьиларин хуьруьн нугъатда, и хуьряй тир шаир Вакъиф Муьшкуьрвидин эсерра гьалтзава).
ДУКЪВАЗАР — шлагбаум (и гаф шаир Мукаил Агьмедован шиирра ава. Месела: “Дуьзмишайла сеферчи заз дукъвазар”).
ЙИГЬАГ — мехъерик жедай еке къажгъанар (и гаф Кчан хуьруьн нугъатда ава).
ЛАНГВАТ — керпич, саман (и гаф Къурушрин хуьруьн нугъатда ава. Ам гьакIни Майрудин Бабаханован гафаргандани гьатнава).
МАНСУ — фарш (и гаф Чпир хуьруьн нугъатда ава).
ПЧУР — болт (винт), (и гаф Камарван хуьруьн нугъатда ава).
ТАРАГУН — шалвар (самоткан), (и гаф Къурушрин хуьруьн нугъатда ава. Ам гьакIни Майрудин Бабаханован гафаргандани гьатнава).
ТЕНГЕР — коридор (и гаф Манкъулид хуьруьн нугъатда ава).
ТУРАГЪУЛ — шланг, труба (и гаф Камарван хуьруьн нугъатда ава).
ЧЕМЕРГЕС — самогон (и гаф Къурушрин хуьруьн нугъатда ава).
ШЕРГЬИ(Н) — место проведение шариатского суда (и гаф Къурушрин хуьруьн нугъатда ава. М. Бабаханован гафарганда и гаф “шергин” хьиз гьатнава).
ЭХЛЕТ — рамка оконная (и гаф Камарван хуьруьн нугъатда ава).
Гьазурайди — Мурад Саид
