И йикъара чи арадай СтIал Сулейманан райондин Алкьвадрин хуьруьн юкьван мектебдин директор, тежрибалу муаллим, тешкилатчи Гьамид Рашидович Гьамидов акъатна. Адан 57 йис тир.
Гь.Р. Гьамидов 1967-йисан 12-мартдиз дидедиз хьана. ДГПУ-да физкультурадин факультет акьалтIарайдалай кьулухъ, 1990-йисуз, ада Хив райондин АрхитIрин хуьруьн юкьван мектебда физкультурадин муаллим яз вичин зегьметдин рехъ гатIунна. 1991-йисуз ам кIвалахиз Сардархуьруьн мектебдиз хъфена.
Алкьвадрин юкьван мектебдин директордин везифаяр Гь.Р. Гьамидова 1997-йисалай тамамарзавай. И йисара адан регьбервилик кваз мектебдихъ гзаф агалкьунар хьана.
Гь.Р. Гьамидов неинки пешекар муаллим, гьакIни гьамиша вичихъ галаз санал кIвалахзавай юлдашриз, чирвилер къачузвай аялриз герек чIавуз куьмек гудай чIехи рикI авай инсан тир. Гь.Р.Гьамидоваз хас къени ерийри, камаллувили, пешедиз вафалу хьуни ам чидай гьар садан рикIе адакай анжах хъсан фикирар туна.
Гьамид Рашидович Гьамидов рагьметдиз финихъ галаз алакъалу яз, чна адан хизанриз, вири мукьва-кьилийриз дериндай хажалат чIугунивди, башсагълугъвал гузва. Адан экуь къамат чи рикIера эбеди яз амукьда.
«Лезги газет»
