И йикъара Сулейман-Стальский райондин Герейханован хуьруьн Р.Къазиагьмедован тIварунихъ галай майдандал жегьилрин арада футболдай райондин турнир кьиле фена. Идакай «Лезги газетдиз» райадминистрациядин пресс-къуллугъди хабар гузва.
Советрин кьушунар Афгъанистандай ахкъудайдалай кьулухъ 30 йис тамам хьуниз талукьарай турнирдин макьсад жегьилрин арада футбол машгьур авун, алакьунар авай спортсменар дуьздал акъудун, абуруз алакьдай куьмекар гун ва райондин командайрин арада дуствилин алакъаяр мягькемарун я.
Акъажунра 6 командади иштиракна. Гъалиб хьайи ва хъсан чкаяр кьур командайриз пулдин премияр ва къиметлу савкьатар гана.
«Лезги газет»
