Республикадин жегьилрин крарай министерстводиз, Р. Гьамзатован тIварунихъ галай республикадин Милли ктабханадиз, «Дагъустандин хуьр» музей заповедник – этнографиядин комплексдиз цIи Сочида кьиле фидай виридуьньядин жегьилрин ва студентрин ХIХ фестивалдиз талукьарнавай шикилрин выставка тешкилиз кIанзава.

И фестиваль чи уьлкведа кьве сеферда кьиле фенва – 1957-йисуз (VI) ва 1985-йисуз (ХII). 1957-йисуз Москвада кьиле фейи фестиваль виридалайни зурбади ва рикIел аламукьдайди хьанай. Кьве сефердани Дагъустан Республикадин векилри лайихлудаказ фестивалда иштиракнай.

Шикилрин выставкадин асул макьсад чIехи жезвай несил гьа йисарин гьаларихъ, фестивалдин иштиракчийрин ва тамашачийрин уьмуьрдай кьетIен агьвалатрихъ танишарун я. Иниз килигна, чпихъ гьа йисарин фестивалдикай са гьихьтин ятIани делилар (чарар, шикилар, шагьадатнамаяр, почтадин открыткаяр, хсуси дневникарни альбомар, аудио ва видео-интервьюяр), авай вирибурувай выставкада иштиракиз жеда. Материалар 15-сентябрдалди okp@lib05/ru электронный почтадиз ракъуриз ва я тешкилатчийрив агакьариз жеда. Выставка 20-сентябрдиз Милли ктабханада ва фестиваль кьиле фидай октябрдин вацра Сочида жеда.

Дагъви Шериф